2008年7月21日星期一

歌后

http://www.youtube.com/watch?v=2dC_iIzVYo0&feature=related


歌 后 多 悲 慘

以 前 寫 稿 界 有 一 位 大 名 鼎 鼎 小 生 姓 高 , 當 今 舞 台 劇 界 有 一 位 好 出 名 春 天 高 。 呢 日 春 天 高 在 蘇 浙 同 鄉 會 請 食 飯 , 起 筷 前 係 咁 意 講 番 幾 句 : 「 潤 發 哥 哥 有 一 句 名 言 , 佢 好 鍾 意 到 影 棚 食 飯 盒 , 有 飯 盒 食 就 表 示 有 工 開 啦 ! 我 就 好 鍾 意 請 大 家 食 飯 , 請 你 食 飯 就 表 示 我 有 project 在 手 ! 」 春 天 高 謙 , 佢 有 時 間 與 朋 友 吃 晚 飯 話 , 何 須 等 到 有 工 開 至 請 ? 在 座 一 位 朋 友 話 佢 係 藝 術 發 展 局 委 員 , 問 春 天 高 有 冇 申 請 藝 發 局 資 助 , 春 天 高 一 聽 見 就 進 入 狀 態 , 聲 音 提 高 半 度 咁 講 : 「 我 申 請 過 好 多 次 , 次 次 肥 佬 , 藝 發 局 話 我 搞 商 業 化 , 唔 係 搞 藝 術 , 不 符 資 格 。 其 實 係 委 員 老 爺 概 念 不 清 , 商 業 化 與 藝 術 係 兩 個 不 同 層 面 。 戲 劇 本 身 可 以 係 藝 術 , 但 營 運 包 裝 方 面 可 以 係 商 業 , 兩 者 結 合 就 可 以 在 市 場 生 存 。 你 話 Phantom 係 藝 術 還 是 商 業 ? 當 然 兩 樣 都 係 。 香 港 有 團 體 空 談 藝 術 , 就 一 味 向 納 稅 人 錢 , 藝 發 局 唔 批 , 佢 就 唔 做 , 然 後 寫 文 章 罵 特 區 政 府 不 培 養 藝 術 文 化 , 無 整 體 文 化 政 策 。 我 就 唔 同 , 以 商 業 養 藝 術 , 藝 發 局 唔 畀 錢 我 都 捱 住 做 。 」 越 聽 越 有 火 , 但 不 無 道 理 , 「 蘋 果 批 」 不 妨 批 一 批 , 班 「 蘋 果 批 」 老 友 相 信 會 與 一 班 「 文 化 伸 手 作 家 」 大 打 擂 台 ! 春 天 高 今 次 有 project , 一 共 兩 個 , 都 係 大 膽 之 作 , 其 一 係 搵 歐 錦 棠 一 人 演 足 全 場 九 十 分 鐘 《 死 佬 日 記 》 , 八 月 六 日 在 理 工 大 學 賽 馬 會 綜 藝 館 開 演 , 套 劇 由 精 通 歐 洲 歌 劇 陳 鈞 潤 繙 譯 自 Rob Becker 百 老 匯 長 壽 棟 篤 笑 。 另 一 套 係 由 劉 雅 麗 個 人 唱 足 、 演 出 《 蔓 珠 莎 華 》 , 以 梅 艷 芳 三 十 二 首 金 曲 刻 畫 一 代 歌 后 的 傳 奇 一 生 , 七 月 三 十 日 開 始 , 共 演 七 場 。 有 朋 友 問 春 天 高 : 「 唱 阿 梅 三 十 二 首 歌 , 係 唔 係 影 射 佢 ? 」 春 天 高 話 : 「 並 無 此 意 , 我 研 究 過 梅 艷 芳 、 周 璇 、 法 國 歌 后 Edith Piaf 甚 至 加 埋 鄧 麗 君 人 生 , 發 覺 有 好 大 共 通 點 , 就 係 小 時 坎 坷 , 唱 歌 支 持 家 庭 , 青 年 時 走 紅 , 愛 情 失 敗 , 遇 人 不 淑 , 英 年 早 逝 , 結 局 悲 慘 , 好 令 人 唏 噓 感 慨 , 《 蔓 珠 莎 華 》 用 梅 艷 芳 金 曲 表 達 歌 后 一 生 , 只 係 形 式 , 並 非 故 意 影 射 。 」


歌 后 一 生

聽 春 天 高 講 劉 雅 麗 演 《 蔓 珠 莎 華 》 、 歐 錦 棠 演 《 死 佬 日 記 》 , 講 到 歌 后 多 悲 慘 , 不 禁 神 傷 。 周 璇 自 殺 、 鄧 麗 君 死 於 服 藥 過 量 、 梅 艷 芳 死 於 子 宮 癌 , 皆 屬 英 年 早 逝 型 。 次 日 連 忙 上 網 尋 找 Edith Piaf 一 生 資 料 , 一 睇 , 唉 , 苦 過 金 葉 菊 , 幾 乎 慘 過 梁 天 來 。 Piaf 生 於 一 九 一 五 年 , 原 名 Edith Giovanna Gassion , 死 於 一 九 六 三 年 , 享 年 四 十 八 歲 。 歌 后 在 巴 黎 出 生 , 父 母 靠 街 頭 表 演 搵 食 , 兒 童 時 代 生 活 貧 窮 , 經 常 生 病 , 幾 乎 盲 , 懂 事 後 就 在 街 頭 賣 唱 , 後 來 被 發 掘 到 巡 迴 表 演 團 唱 歌 , 取 藝 名 Piaf , 越 唱 越 紅 , 一 九 三 六 年 二 十 一 歲 開 始 灌 唱 片 , 此 後 一 路 紅 到 戰 後 , 紅 遍 大 西 洋 兩 岸 , 成 為 法 國 流 行 歌 后 , 但 佢 拍 拖 幾 次 , 皆 無 結 果 , 一 九 四 九 年 佢 男 友 遇 上 飛 機 失 事 死 亡 , 到 一 九 五 一 年 ( 三 十 六 歲 ) 就 開 始 無 酒 不 歡 , 吸 嗎 啡 , 捱 到 一 九 六 三 年 逝 世 , 同 梅 艷 芳 一 生 有 甚 多 相 似 地 方 。 莫 非 真 係 天 妒 紅 顏 ? 劉 雅 麗 在 《 蔓 珠 莎 華 》 唱 足 三 十 二 首 歌 , 有 人 問 佢 同 梅 艷 芳 熟 唔 熟 ! 劉 雅 麗 話 大 家 係 識 , 間 中 有 來 往 , 佢 媽 咪 同 阿 梅 仲 更 加 熟 。 佢 話 阿 梅 一 生 追 求 真 愛 而 不 可 得 , 身 邊 朋 友 雖 多 , 無 一 可 託 終 身 , 只 能 鎮 夜 拉 相 識 、 劈 酒 大 吃 大 喝 , 以 掩 心 靈 寂 寥 。 最 可 嘆 者 , 乃 係 知 道 患 上 子 宮 癌 後 , 不 肯 接 受 手 術 切 除 , 心 仍 抱 一 絲 希 望 , 他 日 能 誕 下 兒 女 ! 阿 梅 當 然 不 知 道 , 死 後 仍 有 阿 媽 打 官 司 爭 遺 產 。 左 丁 山 在 家 翻 看 梅 艷 芳 最 後 一 個 演 唱 會 影 碟 , 睇 睇 有 心 寒 , 佢 身 穿 白 長 裙 , 步 上 舞 台 長 梯 , 回 首 與 觀 眾 拜 拜 , 神 色 ( 當 時 不 知 ) 似 有 必 死 決 心 , 抱 重 病 在 紅 館 演 出 , 非 求 死 為 何 ? 睇 影 碟 , 參 考 聽 回 來 之 故 事 , 實 在 不 忍 , 熄 機 長 嘆 。 社 長 M 話 一 定 要 入 場 聽 劉 雅 麗 《 蔓 珠 莎 華 》 , 重 溫 梅 艷 芳 金 曲 , 至 於 是 否 會 聽 到 悲 從 中 來 , 仍 然 未 知 。 左 丁 山 同 意 之 至 , 有 衝 動 想 買 一 Piaf 唱 片 , 聽 佢 法 文 歌 及 英 文 版 本 , 不 過 年 代 久 遠 , 不 知 何 處 有 貨 , 要 畀 時 間 去 慢 慢 搵 。
發佈留言